Ներկայումս Հայաստանում 5 հազարից ավելի ընկերություններ օգտվում են էլեկտրոնային ստորագրությունից: Նման տվյալներ հրապարակվեց ՀՀ կառավարության նիստի շրջանակներում: Նշենք, որ Հայաստանում մեկ Էլ. ստորագրության արժեքը կազմում է 15 000 ՀՀ դրամ և այն «տրամադրում է» միայն Էլեկտրոնային ենթակառուցվածքների ներդրման գրասենյակը (ԷԿԵՆԳ ԲԲԸ):
Վերջինս, ինչպես պարզ դարձավ կառավարության նիստի ժամանակ, ունի ֆինանսական խնդիրներ, ինչի կապակցությամբ այսօրվա իր նիստում ՀՀ կառավարությունը որոշում ընդունեց 25 մլն դրամով մեծացնել «Էլեկտրոնային կառավարման ենթակառուցվածքների ներդրման գրասենյակ» ՓԲԸ կանոնադրական կապիտալը` այս կառույցի կանոնադրական խնդիրները լուծելու նպատակով։ Ակնկալվում է, որ հաջորդ տարվանից ՓԲԸ-ն իր ծախսը կհոգա էլեկտրոնային ստորագրության վաճառքից ստացած շահույթով։
Նշենք, որ
Էլեկտրոնային ենթակառուցվածքների ներդրման գրասենյակը (ԷԿԵՆԳ ԲԲԸ)
հիմնադրվել է 2009 թվականին` ՀՀ Կառավարության կողմից: Համաձայն ՀՀ-ում
էլեկտրոնային հասարակության ձևավորման հայեցակարգի (հաստատված ՀՀ
կառավարության կողմից), ԷԿԵՆԳ-ը պատասխանատու է Հայաստանի
Հանրապետությունում էլեկտրոնային հասարակության նախագծերի իրականացման
համար: ԷԿԵՆԳ-ը հանդիսանում է միակ լիազորված ընկերությունը Հայաստանում,
որը տրամադրում է թվային ստորագրություններ` իրավաբանական և ֆիզիկական
անձանց: Ընկերության կարևորագույն նախագծերից մեկը էլեկտրոնային
նույնականացման քարտերի և կենսաչափական տվյալներով անձնագրերի ներդրումն է,
որի նպատակն է ապահովել քաղաքացիներին նույնականացումը և ինքնությունը
հաստատող միջոցներով:
Էլեկտրոնային
ստորագրությունը էլեկտրոնային թվային ձևով ներկայացված պայմանանշանների
եզակի հաջորդականություն է, որը կցված է էլեկտրոնային փաստաթղթի հետ և
օգտագործվում է ստորագրող անձին նույնականացնելու, ինչպես նաև էլեկտրոնային
փաստաթուղթը կեղծիքներից ու աղավաղումներից պաշտպանելու համար:
Комментариев нет:
Отправить комментарий