TEDGlobal կոնֆերանսին Էդինբուրգի համալսարանի պրոֆեսոր Հարալդ Հաասը
ներկայացրել է իր յոթամյա աշխատանքի արդյունքը՝ Li-Fi-ի նախատիպ:
Լուսադիոդային լամպի շնորհիվ նա կարողացել է փոխանցել տեսահոլովակը իր
մեջքի հետևում գտնվող էկրանին: Տեսահոլովակի ցուցադրումը անմիջապես
ընդհատվել է լամպի լույսը ձեռքով փակելու կամ այն շրջելու դեպքում:
Այս տեխնոլոգիայով տվյալների փոխանցման արագությունը կազմում է մոտ 10
մբ/վ: Գիտնականը խոստացել է, որ մինչև տարեվերջ արագությունը կդարձնի
100 մբ/վ:
Լույսի միջոցով տվյալների փոխանցումը նպատակահարմար է օգտագործել
հատկապես այն վայրերում, որտեղ ռադիոկապը վտանգավոր է՝ նավթահորերում
(հնարավոր է` կայծ առաջանա), ջրի տակ (ծովային աղը փոխանցում է էլ.
հոսանքը)և ինքնաթիռներում (խանգարում է այլ ռադիոսարքերին):
Իսկ այն հանգամանքը, որ ֆիզիկական արգելքների դեպքում տվյալների
փոխանցումը դադարեցվում է, կօգնի խուսափել ինֆորմացիայի արտահոսքից. տան
կամ գրասենյակի պատերը բավական կլինեն տվյալների անվտանգությունը
պահպանելու համար:
New York Times-ը գրում է, որ այս տեխնոլոգիան բավական մատչելի է
պատրաստման տեսանկյունից: Ավելին՝ տվյալների փոխանցման համար պետք չէ
տեղադրել ավելորդ սարքեր. փողոցի, սենյակի կամ ավտոմեքենայի լամպերը
հեշտությամբ կարող են ծառայել այդ նպատակին:
Комментариев нет:
Отправить комментарий